Það var talað um...

... að einkavæðing væri svo góð fyrir okkur notendur, þjónustan væri sýnilegri og við myndum borga fyrir það sem við notuðum. Það talaði enginn um að við fyndum meira fyrir greiðslum en þjónustu. Nú t.d. þíðir ekkert að hringja eftir þjónustu hjá símanum nema hafa allan daginn fyrir sér vegna þess hvað öll bið þar er löng.

Síminn hækkar mínútuverð

Dópsamband Íslands

Hvernig væri að stofna Dópsamband Ísland skammstafað DÍS. Betra að hafa starfsemina opinbera heldur en neðanjarðar, og stefna að áhugadópneyslu á íslandi.

Ég held að þetta sé jafn vitlaust og áhugapóker. Hvorttveggja leggur fjölskyldur í rúst og hver vill vera ábyrgðarmaður fyrir slíkt.

Pókersamband Íslands stofnað

Bann við umskurði í Egiftalandi

Þær gleðifréttir voru sagðar í útvarpi allra landsmanna í gær að egipska stjórnin hefði sett algert bann á umskurð kvenna eftir að 12 ára stúlka hafði dáið eftir slíka aðgerð.

Meira að segja helstu trúarleiðtogar þjóðarinnar hefðu samþykkt bannið.

Þetta er einn sigur á þessari löngu braut um bann við misþyrmingum kvenna sem karlmenn hafa fundið upp til að tryggja sér "hlýðni" þeirra.

Það ber að þakka svona fréttir og þær eru ekki svo margar ánægjufréttirnar sem okkur berast.

Lítið skref í réttlætisátt.

Baráttan heldur samt áfram og er það hugarfarsbreyting sem þarf að koma á eftir svona lögum sem lengstan tíma taka.

En hrós til egipsku stjórnarinnar að taka þetta mikilvæga skref.

Spilakassar.

Það var nokkuð skrítið að sjá grein í Mogganum í gær, 28.06.07. þar sem haft er eftir gjaldkera Landsbjargar Gunnari Þorsteinssyni að hann telji spilakassa ekkert hættulegri en Lottó, getraunir eða önnur spilamennska, svo maður hafi það sem eftir honum er haft í greininni.

Hér á landi eru spilakassar sennilega þau tæki sem flestir spilafíklar ánetjast. Þeir standa þar sem flestir komast í þá, þó að starfsfólk hvers staðar reyni a fyrirbyggja að unglingar undir 18 ára aldri noti þá. Hér finnast engar spilabúllur sem þeir sem eru veikir fyrir geti farið á. Auk þess eru þetta, ekki bara hér, þau auðveldustu tæki sem hægt er að finna fyrir veikar sálir.

Þó að engar auglýsingar séu hafðar uppi þá þarf ekki að fara langt til að finna auglýsingar t.d. frá Gullnámunni, þar sem stór skilti blasa við og sýna okkur hvað sé í boði í stóra vinningnum. Mér hefur oft dottið í hug að skella mér inn og setja í svo sem einn 50 kall og sjá hvað út úr honum yrði, hef ég þó engan áhuga almennt á spilakössum, hvað þá með þá sem eru veikir fyrir.

Það skítur svolítið skökku við að SÁÁ skuli reka þessa kassa og reyna svo eftirá að venja fólk af þeim.

Þegar Lottó og viðlíka er nemt fyrir spilafíkla, þá man ég ekki eftir að hafa heyrt að nokkur sé Lottófíkill eða t.d. happadrættisfíkill. Nei, þessi fíkn virðist beinast fyrst og fremst að hlutum sem hugsanlega gefa fljótt hagnað og hægt sé að sjá hagnaðinn klingja niður.

Það væri frábært ef hægt væri að finna aðrar leiðir fyrir samtök eins og Landsbjörg og SÁÁ til að afla fjár, aðrar en spilakassa sem gera út á veilkleika fólks.

Smá saga frá Bergen

Það var maðurinn sem kom til Bergen í fyrsta skipti og það var úrhellisrigning. Hann víkur sér að strák sem fór fram hjá honum og spyr hann: Er alltaf svona mikil rigning hér í Bergen.

Og strákurinn svarar: Ég veit það ekki. Ég er bar 7ára

Vatnsskortur í Bergen

Mynni á ummæli Össura Skarphéðinssonar.

En hann sagði að Landsvirkjun myndi ekki fá að haga sér eins og ríki í ríkinu og því ættu allar tillögur þeirra um framkvæmdir á svæðinu að vera ómerkar

Fjölmenni á kynningarfundi í Þjórsárveri

Mætum öll. Hraðaksturinn burt!

Það er áríðandi að sem flestir mæti til að sína samstöðu með því fólki sem fyrst verður á vegi þeirra alvarlegu slysa sem verða í umferðinni. Þess vegna hvet ég alla til að mæta við sjúkramóttökuna við Landspítalann kl. 1700 og ganga með fólkinu yfir að Borgarspítala.

Mætum öll á morgun 26 júní og sínum samstöðu. Tökum adrenalínakstur úr umferð.

Fleiri bætast í göngu gegn bílslysum

Hvað eru foreldrar að hugsa

Að leifa barni að keyra ökutæki við þjóavegum landsins. Barn sem er ekki nema 13 ára hefur engan vegin þau viðbrögð sem þarf til að aka svona farartæki. Þetta verður að skrifast á forráðamenn barnsins.

Bifhjól og fjórhjól rákust saman

19 júní. Til Hamingju með daginn, konur og karlar

Var að lesa blogg hjá Gísla Frey Baldurssyni, þar sem hann álítur að það að vera kona sé lélegra hlutskipti en karl. Og að konur sem láta heyra frá sér séu öfgasinnaðar. Mér datt í hug við lestur skrifa hans að það væri hægt að heimfæra skoðanir hans rétt til föðurhúsanna og segja hann "öfgasinnað karlrembusvín". Biðst afsökunar á orðbragðinu, en ég virði skoðanir hans en það er ekki þar með sagt að é sé á neinn hátt sammála honum (http://gislifreyr.blog.is/blog/gislifreyr/#entry-242656) Hann skammast yfir því að saklausu ferðamennirnir sem framleiða bláar myndir og ætluðu að gista á Hótel Sögu hafi ekki fengið að koma vegna ramakveina öfgafullra kvenna. Þá verð ég að segja að ég er einn af þessum öfgasinnuðu konum. Mér fannst alveg ágætt að þessi samkunda skyldi ekki koma hingað. Þeir hafa nóg pláss annarstaðar til að taka upp sínar myndir.´

þó hann hneykslist svolítið yfir því að talið hafi verið í þáttunum hjá Agli Helgasyni varðandi fjölda kvenna og karla sem komu sem viðmælendur. Þá gat ég ekki séð að þar hafi þurft að telja mikið, því hlutföllin voru svo áberandi. 

Og að síðustu varðandi ríkisstjórnina sem nú situr, finnst það ágætt að þar skuli vera jöfn skipting á milli karla og kvenna hjá samfylkingunni. Við skulum bara muna að Ágúst Ólafur Ágústsson er nokkuð ungur og hans tími á örugglega eftir að koma. 

Mengun í þéttbýli.

Það fer að verða nokkurskonar þráhyggja hjá mér þetta með almenningsvagna. Í staksteinum í dag er vitnað í Gísla Martein Baldursson, þar sem hann segir að Reykjavík megi aldrei breytast Í BÍLABORG. Ég held að hann sé orðinn heldur of seinn að reyna að stöðva þróunina. Reykjavík er orðin bílaborg. Þegar alltaf er miða við að fyrsti framgangsmöguleiki sé einkabíll þá er þetta komið í flokk bílaborga. Það skiptir ekki máli með góðan vilja þegar ekkert er get til að breyta ástandinu heldur bara halda við því ástandi sem er kemur ekkert til að breytast.

Ég hef lent í miklum stælum við fólk út af strætó, þar sem alltaf er haldið fram að enginn vilji nota strætó. Þá vilji allir nota einkabíl. Ég segi: þegar öðru formi hefur aldrei verið gefið tækifæri verður engin breyting á.

Við skulum mynnast þess, þegar við komum erlendis finnst öllum alveg sjálfsagt að nota almenningsvagna og oftar en ekki hrósar fólk því hvað það sé nú gott að nota þá en þegar farið er að tala um þetta hér á landi finnst öllum þetta alveg fráleitt.

Hvernig væri að fara að gera eitthvað í þessum málum en ekki bara tala um það t.d. af hverju bíða til haustsins með að gefa frítt í strætó. Það stendur til að gera þetta, því þá ekki að byrja strax. Þá væri hægt að hafa mjúkan yfirgang til gjaldfrjálsra almenningsvagna, því á sumrin eru svo fáir sem nota þá eins og stjórnvöld hafa alltaf verið að segja. Þá yrði tapið ekki svo gífurlegt í byrjun.

Þetta er jafn fáránleg skýring og að fækka vögnum úr hálfónýtu kerfi í alónýtt með að hafa aðeins 1/2 tíma ámilli vaggna. Gera stjórnendur sér grein fyrir hvað Reykjavík er stór. Ég sem dæmi treysti mér til að hjóla milli allra útpóstá Stór-Reykjavíkur á minn en hálftíma. Svo stór er borgin og þá er það tímasóun að bíða sama tíma eftir næsta vagni til a fara krókaleiðir um borgina.

Ég vona nú að það fari eitthvað að gerast í þessum málum svo ég geti farið að ergjast út í einhver önnur mál í samfélaginu.

17 júní og ánægð börn

Tók þátt í að halda upp á dagin í Garðabæ með ánægðum börnum og glöðum foreldrum

Sparnaður og Hagnaður.

Það er alveg ótrúlegt hvað auglýsendur leifa sér að blekkja með hugtökunum sparnaður og hagnaður.

Var að horfa á landsleikinn í Sjónvarpinu milli íslendinga og serba í handbolta. Alveg einstaklega skemmtilegur leikur. Vona bara að okkar menn haldi þetta út og vinni seinnihálfleik. En í leikhlé kom auglýsing frá S24 um hvað menn geta spara með því að hafa yfirdrátt hjá þeim. Ég hef aldrei vanist því að það sé sparnaður að hafa yfirdrátt. Það hefur alltaf verið kostnaður hjá mér. Svo lauk auglýsingunni á því að segja að maður hagnaðist á því að hafa yfirdrátt.

Á sínu tíma þegar ég bjó í Noregi áttaði ég mig á mismunandi hugsunarhætti þessara tveggja þjóða. Þar sem við íslendingar vorum að græða, þar voru norðmenn að spara. Þarna er stór munur á í hugsun.

Þegar við erum að kaupa vöru sem er ódýrari í dag en í gær þá heitir það að við séum að græða en norðmenn spara á sama tíma.

Þegar svo auglýsendur leifa sér að reina að blekkja eins og ég lýsti hér að ofan, og hamra á því, kann það ekki góð'ri lukku að stýra.

Vonandi getum við tekið okkur á og lært að spara eins og aðrar þjóðir.

Seinni hálfleikur Byrjar vel.

 Áfram Ísland!!!

 

Lúpína

Það var hér á árum áður að ég var ansi hrifinn af þessari harðgeru plöntu sem vann jarðveg fyrir aðrar jurtir og lokaði uppblásturssárum á landsbyggðinni. Hún hefur reyndar gert alveg frábæra hluti á söndunum fyrir austan Vík í Mýrdal og núna er verið að nota hana til að græða upp Mývatnssandana sem stöðugt eru búnir eru að vera á hreyfingu. Þar kemur hún ábyggilega til með að gera góða hluti. En það má öllu ofgera.

Ég skal alveg viðurkenna að ég var með í að sá helli í Úlfljótshlíðar fyrir 20 árum. En um síðustu helgi var ég það fyrir austan að slá hana og byrja að halda henni í skefjum. Hún er búin að gera það sem ætlast var til af henni á þeim tíma sem henni var sáð. Og nú er þrautin þyngri að fjarlægja hana.

En ástæðan fyrir þessum skrifum mínum núna er að ég var að keyra um götur Reykjavíkur og þá áttaði ég mig á að það er ekki orðið þverfótandi fyrir lúpínunni innan borgarinnar. Öskjuhlíðin er öll orðin útbíuð í þessari harðgeru plöntu sem nú er á góðri leið með að fjarlægja lyngbreiður sem til voru innan borgarmarkana.

Það er alveg kominn tími til að vinnuskólar höfuðborgarsvæðisins fari að vinna á þessari plöntu sem er að yfirtaka allt sem heitir náttúrulegt íslensk landslag.

Nú er kolviðarsjóðurinn byrjaður að vinna fyrir sér og vona ég að það verið til þess að farið verði að minka og eða hætta notkun lúpínu eins og gert hefur verið.

Það er kannski orðið of seint að reina að berjast á móti þessari plöntu, en það er þá allavega hægt að halda  henni frá svæðum þar sem hún hefur ekkert að gera. Það tekur talsverðan tíma að uppræta hana á stöðum sem hún hefur engan rétt á að vera eins og miðhálendi landsins. Það var stórslys þegar einhver tók upp á því að planta henni í Bæjarstaðaskóg, stað sem hún hafði ekkert að gera á.

 

Hrós til bæjarstjórnar Kópavogs

Nýsamþykkt tillaga bæjarstjórnar Kópavogs, um að gefa bæjarbúum frítt í strætó, kemur vonandi skriðu af stað varðandi notkun á strætisvögnum. Þetta er að sjálfsögðu ekki frítt þar sem þetta leggst í staðinn jafnt á alla skattgreiðendur og alla fara að borga í strætó eins og að sjálfsögðu verið hefur. Þetta kemur vonandi til góða varðandi slit á vegum í staðin, þegar bæjarbúar fara að nýta sér vagnana meira slitna vegirnir vonandi minna.

En þar sem ég bý í Garðabæ kemur þetta mér ekki til góða. Garðabær þarf ekki að gera neitt svona fyrir sína íbúa. Það vita allir að það er lágmark 2 bílar við hvert hús hér. Ég og mín ölskylda erum ekki venjulegir Garðbæingar með aðeins einn bíl og tvö reiðhjól fyrir utan dyrnar.

Það skal tekið skýrt fram að þetta er hrós til allrar bæjarstjórnar Kópavogs en ekki bara til Gunnars Goldfingergests. Bæjarstjórnin sýnir mikinn framtaksvilja þarna við að reina að bæta umhverfið og minka útblástursmengun bíla. Svo vonum við að önnur bæjarfélög á höfuðborgarsvæðinu hafi dug til að svara þessu útspili Kópavogs.

Sumarbústaðir!!!

Og ég sem hélt að þetta væru hjólhýsi

Sumarhús stærri og fleiri

Kjalvegur!

Enn og aftur er þessi hugmynd um heilsárs Kjalveg að skjóta upp kollinum og því hefur aðallega verið hampað að það muni stytta leiðina milli Akureyrar og, ef mig minnir rétt, Reykjavíkur um 50 km.  Nú er það svo að mikinn hluta þessarar styttingar er hægt að ná á annan og bæði ódýrari og einfaldari hátt.

Til að mynda ef vegurinn er lagður um Blöndudal í staðin fyrir að leggja hann um Blönduós styttist leiðin um einhverja tugi km. Reyndar var sveitastjóri Blönduóss ekkert sérlega hrifin af þessari hugmynd, þar sem það hefði í för með sér að hans heimabyggð yrði skorin frá alfaraleið. Annars fannst honum það bara sniðug hugmynd að leggja vegin um Kjöl þó að það skæri Blönduós miklu meira og afgerandi frá tengingu við norður - suðurland.

Síða sá ég að byrjað var að þvera Skagafjörð, vegurinn tekinn fyrir sunnan Varmahlíð og þver yfir Skagafjarðarsveitir er önnur stytting um töluverðan veg. Þar eru strax komnar tvær veigamiklar styttingar.

Ef maður fer svo að velta vöngum yfir þeirri hugmynd að leggja þennan Kjalveg í einkaframkvæmd og að þeir sem um vegin fari borgi veggjald. Við skulum aðeins bera þessar framkvæmdir saman við Hvalfjarðargöngin.

Þegar farið er fyrir hvalfjörð hefur maður tvo valkosti. Annars vegar göng og hinsvegar skemmtilega útsýnisferð um Hvalfjörð. Aðra leiðina borgar maður fyrir og fær ekkert útsýni hina ekki og fær að njóta landsins.

Ef vegur um Kjöl verður lagður í einkaframkvæmd, hefur maður val um núverandi veg um vestur- norðurland eða fara um Kjöl og borga fyrir.

En ef maður ætlar nú bara upp í Kerlingafjöll eða upp að Hveravöllum þarf maður alt í ein að fara að borga fyrir að njóta landsins sem hingað til hefur verið "frítt". Með veg í einkaframkvæmd væri kominn nokkurskonar kvóti á buddu okkar landsmanna við að njóta fegurðar landsins og náttúrugæða. Þá hefur maður alt í einu ekkert val.

Síðan er þetta með færð á vetrum. Þeir sem standa fyrir þessari hugmynd, segja að veðurfar sé að breytast svo mikið að ekki verði vandræði að halda þessari leið opinni. Í dag eru tveir fjallvegir milli Akureyrar og Reykjavíkur og eru þeir hvorugur langur en sýnist mér það ganga nógu stirðlega að halda þeim færum um vetrartímann, hvað þá með veg sem liggur yfir rigningamesta svæði landsins og er leiðin milli Gullfoss og Blönduhlíðar um 200 km. Reyndar er talað um að þessi vegur fari niður í Skagafjörð en það styttir leiðina þvert yfir landið ekkert.

Svo er þetta vandamál með þá sem borga veggjald og lenda í óhappið eða villum vega. Í göngunum í Hvalfirði þá kemur mjög fljótlega bíll frá fyrirtækinu Speli og hjálpar svo lengi sem það er gerlegt eða þeir eru fljótir að loka göngunum fyrir umferð af sömu ástæðum og kalla til aðstoð. En hvernig skyldi þetta verða á á Kili. Skildu  framkvæmdaraðilar þar fara og leita eða bregðast við og veita aðstoð þeim sem lenda  óhappi eða villum?

Þetta eru nokkur atriði varðandi Kjalveg. Mín niðurstaða út frá þessu er að ekki þarf að leggja nýjan veg um 150-200 km. langan til að stytta um 50 km. þegar hægt er að gera núverandi veg töluvert styttri með mun minni tilkostnaði. Er þá alveg eftir að fara út í umhverfisáhrif sem af þessum hugsanlega nýja vegi yrðu.

Sindaaflausn. Nýtt tískuorð.

Villtu grænan, heyrist nú í hvert skipti sem maður opnar útvarpið. Ef maður skildi svo svara : Nei takk. Þá er maður orðin púkó.Þetta er auglýsing frá bílainnflytjanda, þar sem hann er að auglýsa bílana sína og hvað allir geta verið góðir sem aka á bílum frá honum. Það verður búið að borga fyrir þá sinaaflausn í heilt ár ef þeir kaupabílinn frá honum.

Nú á að vera allt í lagi að keyra eins mikið og hægt er bara ef maður borgar í kolefnasjóð áður en maður leggur að stað. Honum Lúter gamla hefði ugglaust þótt þetta þunnur þrettándi, að geta borgað fyrir syndir sínar svona áður en maður syndgar. Á hans tíð var þetta að borga eftirá, og þótti honum nóg um.

Þessi kolviðar hugmynd er alveg ágæt, en við verðum að muna að þetta er bara bráðarbyggðarlausn en engar varanlegar bætur. Við þurfum líka að minka útblástur frá bílum, verksmiðjum og skipum. Það verður ekki nóg að rækta bara tré, við verðum lík að sína það þor og dug a minka mengunarvalda

Eftir að  þetta fór að klingja í eyrum hefur maður það á tilfinningunni að það sem búið er að gróðursetja sé bara ómark vegna þess að maður hefur ekki borgað fyrir það í kolefnissjóðinn. Bara keypt plöntur hjá skógræktinni eða á öðrum stöðum sem höndla með tré og farið og komið þessu í jörð láði og sál til bóta. Við höfum enn töluvert að gjalda fyrir skógareiðingu undanfarinna árhundruða áður en við erum búin að bæta skaða landsins bara fyrir forfeður okkar.

Ég er engan vegi á móti þessari aðferð, að kolefnisjafna, en við megum bara ekki gleyma því að meira þarf en þetta til að draga úr gróðurhúsaáhrifum. Þessi aðferð getur í mesta lagi haldið í við kolefnismengunina, en ekki minkað hana. Meiri aðgerðir þarf til til að koma okkur aftur á réttan kjöl í þessum málum

Garðabær og skipulag

Það var að detta inn um lúguna hjá mér skipulagskort af svefnbænum mínum, Garðabæ. Það er loftmynd, sennilega tekin fyrir 2005. Þar vantar allavega inná myndir af aðal skipulagsslysi höfuðborgarsvæðisins, Kaupstað. Eins og það var kynnt fyrir íbúum hér í upphafi átti þetta að lýsa svona litlum verslunarkjarna. Menn áttu að hafa tilfinningu fyrir því að þetta væri lítið og huggulegt!!

Ég brá mér um daginn upp á Urriðaholt til að líta þetta frábæra útsýni sem á að selja lóðir fyrir litlar 60 millur. Þaðan sá maður yfir sjóinn og húsþökin á húsunum í fjarska. En það sem var með mestu nærveru þegar staðið er uppi á holtinu er þessi "litli og sæti Kaupstaður". Guðirnir fyrirgefi þeim sem fann upp þetta nafn fyrir svæðið.

En það var nú ekki aðallega þetta sem ég ætlaði að fjalla um, heldur þá æpandi fjarveru allra tenginga Garðabæjar við nágrannasveitafélög sín. Jú, það er hægt að komast akandi á milli þessara byggðarkjarna, en ef maður er svo skini skroppinn að ætla að hjóla eða ganga, finnast eins og er aðeins 2, tveir, göngustígar á milli. Annar þeirra er yfir í Kópavog frá Arnarneshæð og yfir Kópavogslækinn að vestan verðu við brúna. Hinn er í gegnum iðnaðarhverfi Garðabæjar, á því svæði þar sem Marel er. Að öðru leiti verður maður að fara upp í Heiðmörk til að komast á milli til að verða ekki keyrður niður af ört vaxandi bílaumferð. Bærinn er ágætlega skipulagður göngustígum innan bæjarmarkana. En það er þessi skortur á stígum á milli þéttbíla sem er stórmerkilegur. +

Nú fer virkilega að verða þörf fyrir tengingar á milli þar sem strætisvagnaferðir um höfuðborgarsvæðið eru orðnar svo strjálar að maður er fljótari að hjól eða ganga en að bíða eftir næsta vagni.

Enginn sjálfstæðismaður með sjálfstæða skoðun

Þetta blogg mitt hér á undan átti að vera við frétt í Net-mbl þar sem haft var eftir Einari K Guðfinnssyni, en það var víst rangt eftir haft, það var víst Björn Ingi Hrafnsson sem átti þessu fleygu orð sem ég var að reina að vitna í. Svo bloggið hér á undan er víst bara marklaust þvaður.

Sjálfstæðismaður með sjálfstæðar skoðanir!

Það er gott að sjá að eitthvað virðist vera að rofa til hjá sumum sjálfstæðismönnum. Við skulum bara vona að þegar hægt verður að auka aflaheimildir að það verði ekki of seint fyrir þessar strjálu byggðir landsins.

Þetta er allavega gott innlegg í kvótamálin og hefðu ætt að vera löngu komin fram.