Að stytta sér leið

Það eru ýmsar styttingaleiðir til í íslensku máli. Annað slagið rekst maður þó á alveg undarlegustu styttingaleiðir. Í frétt Mbl.is um Reyðarfjarðar smyglið kemur ein þessara styttinga sem er ansi merkileg. Er það orðið: Handlagði.

Maður gæti haldið að prestar hafi eitthvað verið þarna með í ráðum. Þeir eru með svona handlagningar, eða heilarar. Þeir gera þetta víst líka.

En hér kemur byrjunin á fréttinni úr Mbl.is

Einn hinna ákærðu í Pólstjörnumálinu svonefnda bar við yfirheyrslu í Héraðsdómi Reykjavíkur í morgun að hafa verið beðinn um að „græja“ innflutning á miklu magni fíkniefna í sumar, en upp komst um málið og haldlagði lögregla efnin um borð í skútu á Fáskrúðsfirði í september. Sex eru ákærðir.

Þá kemur í ljós að það er lögreglan hér á landi sem er farin að "handleggja" og er þetta sjálfsagt einhver aukabúgrein hjá þeim, nema að þeir séu kannski orðnir svona handleggjalangir að það sé eins og þeir "handleggi".

 

Athugasemdir

[Gísli Sigurðsson, 31.1.2008 kl. 14:37]

Reyndar stendur í textanum sem þú ert að vitna í ,,haldlagði" en ekki handlagði. En samt sniðugt orð og alveg rökrétt þeir lögðu hald á góssið. Rétt eins og einhver sem er tekinn höndum, sá er handtekinn.

[Brynjar Hólm Bjarnason, 31.1.2008 kl. 17:43]

Það hét núna fyrir nokkrum dögum: Að gera upptækt