Erlendi aðila skilja ekki Ísland!

Þessi skýring Óskars Magnússonar mynnir mig á þegar sagt var að erlendir hagfræðingar skilja ekki íslenskt hagkerfi.

Maður, líttu þér nær.

Segir norræn blaðamannafélög fara með rangt mál

Berlusconi brattur

Það er upp á þeim t...... þessum Ítölsku köllum. Þeir eiga einga sök frekar en þessir Íslensku sem eru búnir að setja allt á hvolf hér á landi.

Berlusconi krefst afsökunarbeiðni

Að taka ábyrgð!

Meira að segja á veðurlýsingum er ekki hægt að taka ábyrgð. Mbl vísar á veðurstofuna og segir að þeir beri ábyrgðina og veðurstofan vísar sjálfsagt áfram á þá sem annast veftenginguna. Þetta er nákvæmlega eins og varðandi bankahrunið þar hefur enginn borið neina ábyrgð enn.

Veðurupplýsingar á mbl.is

Slökkt á bálkestinum!

Þeir eru svo frábærir þarna hjá lögreglunni að geta bara svona slökkt á bálkestinu. Svo koma bara mótmælendur og kveikja á honum aftur, alveg eins og ljósaperu.

Slökkt á bálinu við Alþingi

Hver er sekari?

Var að lesa viðtal við Birgi Pál Marteinsson í sunnudagsblaði Moggans. En hann fékk dóm í Færeyjum upp á 7 ár fyrir þátttöku sína í Pólstjörnumálinu svokallaða. Þar segir hann  frá því að hafa "bara" tekið við pökkum frá gömlum "vini" til að geyma hann og "vinurinn" muni koma síðar og sækja pakkann. Og í greininni lýsir hann því óréttlæti að verða dæmdur í 7 ára fangelsi fyrir að hafa hagað sér eins og "asni"

það má alveg gera því skóna að dómurinn sé óréttlátur. Ekki ætla ég að leggja mat á það. Þarna er um mál að ræða þar sem grunnurinn er að leggja líf margra einstaklinga og fjölskyldna .eirra í rúst og hagnast á því í leiðinni. Vonandi voru allir sem þarna áttu hlut að máli teknir og dæmdir.

En svo sitjum við uppi með það að um 30 manns, nafngreindir, hafa lagt heila þjóð, kanski ekki alveg í rúst, en nálægt því. Svo mikið er víst að þar eru margara fjölskyldur innan um sem verða lagðar í rúst. Þessir menn sem allir vita hverjir eru fá samt að ganga lausir og það næstum í skjóli stjórnvalda hér sem sitja bara og bíða eftir að reykurinn eftir bankahrunið leggi sig og þeir sem ollu hruninu verði komnir með allt sitt á hreint og búnir að sölsa undir sig restarnar af égnunum aftur og byrjaðir upp á nýtt.

Þá er spurningin: Hvor er sekari, sá sem selur einstaklingum dóp og leggur þannig heilu fjölskyldurnar í rúst, eða sá sem með aðgerðum sínum leggur þjóðfélag í rúst með því sem hefur verið kallað "Landráð af gáleysi"?

Í því sambandi skulum við mynnast þess að sá sem verður fyrir því óláni að fremja manndráp af gáleysi er dæmdur fyrir það og látinn sæta ábrygð.

Auðlindir þjóðarinnar í hættu.

Það er greinilegt að einkaaðilum er ekki treystandi fyrir auðlindum þjóðarinnar. Græðgin er núna búin að koma því svo fyrir að ekki er víst að þetta verði áfram í þjóðarforsjá.

Sjávarútvegsfyrirtæki berjast fyrir lífi sínu

Loksins!

Loksins kemur eitthvað "jákvætt" um Ísland í erlendum blöðum

Ísland á forsíðu NYT

Agnes Bragadóttir og Forseti Íslands

Það má öllum vera ljóst sem lesið hafa grein Agnesar Bragadóttur, í Morgunblaðinu núna um helgina, um embættisfærslur forseta landsins, að þarna fer ekki stuðningsmaður hans númer 1. það má alveg taka undir það sem hún segir um eyðslusemi forsetans. Það er ábyggilega hægt að komast af með minni eyðslu en hvað hann hefur gert á þessu ári og er það honum ekki til hróss, en grinilegt að hann á marga vini sem oft þarf að hringja í. En ég held að það verði líka að líta til þess að það fannst víst nær öllum alveg sjálfsagt að spreða og eiða fyrrihluta þessa árs.

Ég er alveg viss um að það hefði verið hægt að komast af með minna en 9,6 miljónir í ferðalög á árinu. en þegar ég las þetta þá var mér hugsað til 5 miljón kr. ferðar Þorgerðar Katrínar mentamálaráðherra til Kína á þessu ári og var það bara fyrir ferð sem tók heila viku. Það er kannski hægt að hafa það einnig í í huga þegar verið er að gagnrýna eiðslu vetna ferðalaga. Ferðir forsetans voru þó yfir 10 mánuði.

Svo verður þessi gagnrýni hennar Agnesar ansi hjáróma þegar maður mynnist þáttar á Stöð 2 þar sem Agnes og Sigurður G. Guðjónsson sátu á rökstólum og Sigurður kastar því fram að inn í sjóð 9 hjá Glitni hafi verið skutlað 11 miljónum af ríkisfé til að bjarga andliti eins af væntanlegu forkólfum Sjálfstæðisfloksinns, og Agnes fór sem blaðamaður að verja þann flokksbróðir sinn í staðin fyrir að taka málið föstum tökum og  kanna málið og skrifa um það í sínum miðli, hvort um sannindi hafi verið að ræða eða bara helber rógur.

Í greininni nefnir Agnes það líka að það væri ugglaust hægt að komast af með mikið ódýrari ráðstöfun með því að sleppa t.d. forsetaembættinu og láta t.d forseta Alþingis klippa á borða og mæta fyrir hönd þjóðarinnar. En þá er því til að svara að þeir sem sitja á Alþingi virðast skúklka vinnuna alveg nógu mikið þó ekki sé verið að bæta á þá einu embætti til viðbótar og þar að auki eru þeir sem setjast í forsetastíl Alþingis ekki kjörnir af þjóðinni í það embætti. Það hefur yfirleitt verið eitt af þessum hrossakaupaembættum þeirra flokka sem með völdin fara. Og þá verður það ekki Alþingi til framdráttar.

Fékk færið í skrúfuna!!!!

Netabátur með færið í skrúfunni þegar verið var að draga netin. Hvað eru menn að svindla á kvótanum með tvennskonar veiðarfæri, bæði net og færi. Það heitir raunar lína, þegar komið er út á sjó. Færið getur maður notað við bryggjuna.

Fékk færið í skrúfuna

Hvað heldur hann að hann sé?

Leifum honum að snúa aftur í pólitíkina, það er sennilega betra að hafa hann þar en í seðlabankanum. Hann kemur til með að gera minna af sér í pólitíkinni en sem seðlabankastjóri eins og málum er núna háttað. Maður veltir því fyrir sér hvort hann haldi að íslenskur almenningur sé bara samansafn af hálvitum ef hann virkilega heldur að hann komist eitthvað áfram í stjórnmálum eins og búið er að klúðra málum undir hans stjórn.

Fáum Davíð aftur í stjórnmálin!!!!!

Davíð: „Þá mun ég snúa aftur"