Loksinns, loksinns

Það er ekki oft sem maður sér að sjómaður, og hvað þá skipstjóri, þori að gagnrýna veiðiásókn okkar Íslendinga. Ég held að það sé löngu orðið tímabært að hlusta á það sem fiskifræðingar hafa að segja og fara eftir því.

Mér hefur alltaf þótt það nokkuð undarleg ráðstöfun þegar verið er að friða þorskinn og á sama tíma aukinn ásókn í fæðu hans.

Nú er ég hvorki fiskigæðingur né leikmaðkur á þessu sviði, ég bara borða fisk og finnst hann góður, og finnist það alveg voðalegt ef maður fengi hann ekki lengur á diskinn.

Við gerum okkur öll grein fyrir því að ef við fáum ekki almennilega fæðu þá stoppar þroski okkar. En það finnst öllum sjálfsagt að drepa loðnuna í stórum stíl og kvarta undan því að þorskurinn sé orðinn smár og horaður og farinn að éta seiðin undan sjálfum sér. Ég hefði álitið að þá sæi hver heilvita maður að þá væri eitthvað orðið skrítið með kjörfæðu fisksins, en ekki að það væri svona margir fiskar í sjónum að þeir væru hættir að rúmast þar.

Við skulum mynnast þess að veiðimannaeðli okkar Íslendinga er ansi mikið. Við tökum svo lengi sem eitthvað finnst. Þetta höfum við gert í mörg ár og þessi hugsunarháttur fylgir okkur ansi víða. Í viðskiptum er þetta farið að verða aðalsmerki útrásar okkar. Íslendingar sjá tækifæri og hella sér í það meðan aðrir standa á hliðarlínunni og bíða átekta, missa af og hneykslast á þessari bíræfni okkar.

Ég mynnist þess stundum þegar faðir minn var að hneykslast á "þessum" fiskifræðingum. "Þeir væru alltaf að leita að fiskinum annarstaðar en þar sem fiskurinn væri". Þetta er maður að heyra enn þann daga í dag.  En það er kannski ástæða fyrir því að þeir eru þar, maður leitar ekki að því sem maður veit hvar er. Það getur maður mælt og farið svo að leita af því sem einnig á að vera til.

 

"Stórmerkilegt að við skulum ekki vera búnir að eyða þorskinum"

Athugasemdir

[Gamall sjómaður (IP-tala skráð) 3.6.2007 kl. 11:09]

Þú þarft engar áhyggjur að hafa. Það er yfirdrifið nóg til að fiski í sjónum og það er alls ekki hægt að veiða hann upp þó 500 bátar væru að veiðum daglega.

[Brynjar Hólm Bjarnason, 3.6.2007 kl. 16:18]

Þú skalt nú ekki vera allt of viss í þinni sök. Þeim tókst það ómögulega í Kanada. Þar kláraðist allur veiðanlegur þorskur. En þeim tekst svo margt í Ameríku sem öðrum tekst ekki.