Ísland og NATO

Það er eitt sem ég hef lengi velt fyrir mér. Hvað hefur ísland að gera í NATO. Ekki erum við með her, sem betur fer. Vegna þess að við höfum ekki her, komum við aldrei til með að fara í stríð við aðrar þjóðir nema á þann hátt sem við samþykktum innrás USA og UK í Írak, yllu heilli.

Ef eitthvað herveldið hefur áhuga á að ráðast á landið þá gætu 300 þús. manns lítið gert frekan en þegar 10.000 manna her Þjóðverja hertók Noreg á næstum einni nóttu í seinna stríði 20ustu aldar.

En ef einhver væri svo vitlaus að ráðast á landið, þá vill svo til að við sitjum í hjarta NATO ríkjanna og það væri ansi skrítið ef þau leifðu það átölulaust. Já ég man alveg eftir Kúpu. Kúpa er bara ekki í hjarta NATO veldisins, þó hún sé nálæt USA.

Nú er verið að semja við nærliggjandi herveldi um aðstoð við að verja landið, en með þeim annmörkum að þeir dragi sig í hlé ef til átaka kemur, ef ég hef ekki alveg misskilið það sem komið hefur fram.

Nú legg ég til enn og aftur að við förum af stað og bjóðum SÞ að setjast að með friðarsetur hér á landi og geti notað aðstöðuna hér fyrir stríðandi fylkingar til að koma hingað og reyna að semja um frið hér og geti þá verið trygg um að vera á óháðum stað við sínar friðarumleitanir.

Þá gæti Björn Bjarnarson fengið sinni þörf fyrir gæslu fullnægt því þetta myndi kalla á gríðarlegan fjölda öryggisvarða til að fylgjast með þeim sem kæmu til landsins í friðarumleitunum.

En það yrði að sjálfsögðu að ganga þannig frá málum að þeir sem hingað kæmu fengju að fara um heiminn áreytingarlaust alveg þangað til þeir væru, lágmark, komnir heim aftur.

Nú skora ég á nýja ríkisstjórn að far að vinna að því að koma Íslandi inn á kortið sem heimsfriðarsetur. Staðinn sem allir geta komið á og reynt að semja um frið og fagra framtíð. Það væri nú ekki ónýtt að geta notað t.d. Bláalónið fyrir þessa aðila til að slappa af og byrja sínar friðarviðræður. Það er hvergi betra að gera slíka hluti en þar sem allir eru mátlausir úr hita. Það rífst enginn í of miklum hita.